Рафаэл Леау “Милан”дан “Астон Вилла”га ўтишга яқин
“Милан” вингери Рафаэл Леау фаолиятини Англия Премьер-лигасида давом эттириши мумкин. “Астон Вилла” португалиялик футболчига жиддий қизиқиш билдирмоқда ва ҳозирда “Милан” билан трансфер бўйича музокаралар олиб бормоқда. Бу ҳақда журналист Жанлука Ди Марциога таянаб, “Чемпионат” хабар берди.
Манбага кўра, Бирмингем клуби трансфернинг молиявий шартларини келишишга фаол ҳаракат қилмоқда. Ҳозирги вазиятда Леаунинг “Милан”ни тарк этиши аввалги даврларга қараганда анча эҳтимолли кўринмоқда. Футболчининг ўзи ҳам янги жамоага ўтишга қарши эмас.
Леау “Милан” сафида 2019-йилдан буён тўп тепиб келмоқда. У шу вақт ичида барча мусобақаларда 293 та учрашувда майдонга тушиб, 80 та гол урган ва 55 та голли узатмани амалга оширган.
Маълумот учун, португалиялик футболчининг “Милан” билан амалдаги шартномаси 2028-йил ёзигача мўлжалланган. Ҳозирча томонлар трансфер бўйича якуний келишувга эришгани расман эълон қилинмаган.
