Рабиот \"Милан\"га ўтиши мумкин
Фото: Getty Images
“Милан” бош мураббийи Массимилиано Аллегри ўз жамоасига “Марсель” ярим ҳимоячиси Адриен Рабиотни қўшиб олмоқчи. Бу ҳақда журналист Жанлука Ди Марцио хабар берди.
Қайд этилишича, “россонерилар”нинг янги бош мураббийи “Ювентус”даги фаолияти туфайли франциялик футболчини яхши билади.
Футболчи исталган вақт “Марсел”ни тарк этиши мумкин. Агар яхши таклиф бўлса, франция клуби уни қўйиб юборишга тайёр.
Ўтган мавсум Адриен Лига 1даги 29 учрашувда 9 та гол урди ва 4 та ассист муаллифи бўлди.
