Пулишич «Милан»да қолишни истамоқда
«Милан» келишувни яна бир йилга узайтириш ҳуқуқига эга.
Фото: Getty Images
«Милан» ярим ҳимоячиси Кристиан Пулишич Италия клубида қолишни хоҳлаётганини билдирди. Америкалик футболчининг шартномаси жорий мавсум охирига қадар амал қилади.
Шу билан бирга, «Милан» келишувни яна бир йилга узайтириш ҳуқуқига эга.
«Ҳозир «Милан»да ўзимни жуда бахтли ҳис қиляпман ва шу ерда қолишни хоҳлайман. Шартномани узайтириш ҳақида ўйламаяпман, аммо бу ерда ўзимни жуда яхши ҳис қиляпман», — дея Пулишичнинг сўзларини Daily Mail келтирган.
28 ёшли футболчи голсиз сериясига чек қўйгани ҳақида ҳам гапирди. У 20 сентябрь куни «Лечче»га қарши учрашувда (3:0) гол урган эди.
Мавсум бошида америкалик футболчи жароҳатидан тикланганидан сўнг А Сериядаги дастлабки учта учрашувни захира ўриндиғида бошлади.
