«ПСЖ»нинг муҳим футболчилари «Монако»га қарши ўйиндан олдинги машғулотларда қатнашмади
UEFA Чемпионлар Лигасининг 1/8 финалига йўлланма берувчи жавоб ўйини олдидан «ПСЖ» таркибида жиддий йўқотишлар бўлиши мумкин.
Франциялик журналист Оливье Таллароннинг хабар беришича, «Монако» билан учрашувдан бир кун олдин ўтказилган машғулотларда ҳужумчи Усмон Дембеле ва яримҳимоячи Фабиан Руис иштирок этмаган. Бу футболчиларнинг эртанги баҳсда майдонга тушиши катта савол остида турибди.
Эслатиб ўтамиз, жамоалар ўртасидаги жавоб учрашуви эртага, 25 февраль куни Париждаги «Парк де Пренс» стадионида бўлиб ўтади. 17 февраль куни Монакода ўтган дастлабки баҳсда «ПСЖ» 3:2 ҳисобида ғалаба қозониб, ўзига қулай устунликни таъминлаб олган эди.
Чемпионлар Лигасининг умумий босқичи якунларига кўра, «Монако» 10 очко билан 21-ўринни, «ПСЖ» эса 14 очко билан 11-поғонани эгаллаган эди. Ушбу мавсумнинг ҳал қилувчи финал учрашуви 2026 йил 30 май куни Будапештдаги «Пушкаш Арена»да бўлиб ўтади.
