«ПСЖ» ва «Арсенал» Холандни кузатмоқда
Франциянинг «ПСЖ» ва Лондоннинг «Арсенал» клублари «Манчестер Сити» ҳужумчиси Эрлинг Холандни трансфер қилиш имкониятини кўриб чиқмоқда. Бу ҳақда The Touchline аккаунти хабар берди.
Аввалроқ 26 ёшли норвегиялик футболчига Испаниянинг «Реал» ва «Барселона» клублари ҳам қизиқиш билдираётгани ҳақида хабарлар тарқалган эди. Уларнинг фаоллиги «Манчестер Сити»нинг Англия Премьер-лигаси молиявий қоидаларини бузганликда айбдор деб топилгани билан боғланмоқда. Клубга қатор санкциялар, жумладан, чемпионатдан четлатиш жазоси қўлланиши мумкин. Бу эса жамоанинг етакчи футболчиларини кетишга ундаши эҳтимоли бор.
29 сентябрь куни мустақил комиссия «Манчестер Сити»ни қўйилган 115 та айбловнинг 114 таси бўйича айбдор деб топди. Жамоада апелляция бериш учун 2 октябрга қадар вақт бор.
Жорий мавсумда «Манчестер Сити» АПЛда ўтказган бешта учрашувининг барчасида ғалаба қозониб, 15 очко билан турнир жадвалида пешқадамлик қилмоқда. Холанд эса бешта гол урган ва чемпионат тўпурарлар пойгасида етакчилик қилмоқда.
