ПСЖ “Олтин тўп” тарихида рекорд ўрнатди
“Пари Сен-Жермен” 2026 йилги “Олтин тўп” номинациясида тарихий натижа қайд этди. Париж клубининг бирданига 10 нафар футболчиси 30 кишилик номзодлар рўйхатидан жой олди. Бунгача “Олтин тўп” тарихида бир клубдан бунча кўп футболчи бир вақтнинг ўзида номзод бўлмаган.
ПСЖ вакиллари — Усмон Дембеле, Ашраф Ҳакими, Хвича Кварацхелия, Маркиньос, Нуну Мендеш, Жоау Невеш, Виллиан Пачо, Фабиан Руис, Ферран Торрес ва Витинья. Шу тариқа Париж клуби ўзининг ўтган йилги рекордини ҳам янгилади — 2025 йилда ПСЖдан тўққиз футболчи “Олтин тўп”га номзод бўлган эди.
Клубнинг кенг кўламда намоён бўлишига сўнгги мавсумдаги муваффақиятлар катта таъсир кўрсатди. ПСЖ кетма-кет иккинчи бор Чемпионлар Лигасида ғолиб чиқди. Амалдаги “Олтин тўп” соҳиби Усмон Дембеле ҳам бу йилги 30 нафар номзод қаторидан жой олди.
Маълумот учун, 2026 йилги “Олтин тўп” тақдирлаш маросими 26 октябрь куни Лондондаги “Палладиум” театрида бўлиб ўтади. Бу соврин тарихидаги 70 йиллик юбилей маросими ва илк бор Лондонда ташкил этиладиган тақдирлаш тадбири бўлади.
