ПСЖ мухлисларининг хатти-ҳаракатлари жамоа учун қимматга тушди
Футбол
Насрулло Каримов
Журналист
ФОТО: Getty Images
UEFA ПСЖни клуб мухлисларининг Чемпионлар Лигаси финалидаги ва ундан кейинги тажовузкор хатти-ҳаракатлари учун жаримага тортади. Бу ҳақда BILD нашрига таянадиган RMC Sport хабар бермоқда.
Манбага кўра, парижликлар жаримадан ташқари, тинчликни бузиш, майдонга зарар етказиш ва пиротехника воситаларини қайта ишлатгани учун товон пули ҳам тўлайди.
Қайд этилишича, мухлислар иккинчи бўлимда учта гол киритилган дарвозанинг тўрларини кесиб ташлашган, шунингдек, эсдалик сифатида майса бўлакларини юлиб олишган.
Эслатиб ўтамиз, финал ҳуштаги янграганидан сўнг кўплаб ПСЖ мухлислари рухсатсиз стадионга кириб келишган эди. Кейинчалик полиция аралашиб, оламонни тарқатиб юборган.
