ПСЖ “Монако” етакчиларидан бири учун асосий даъвогарга айланди
“Монако” яқин вақт ичида футболчи бўйича расмий таклифлар олиши мумкинлиги айтилаётгани хабар қилинмоқда.
Фото: Getty Images
Франциянинг ПСЖ клуби “Монако” ҳужумчиси Магнес Аклиушни сотиб олиш учун асосий даъвогарга айланди.
Маълумотларга кўра, парижликлар футболчи учун курашда пешқадамлик қилмоқда. Шу билан бирга, Аклиушга Англия Премьер-лигасининг икки клуби ҳам қизиқиш билдирмоқда.
“Монако” яқин вақт ичида футболчи бўйича расмий таклифлар олиши мумкинлиги айтилаётгани хабар қилинмоқда.
Ўтган мавсумда Магнес Аклиуш “Монако” сафида 43 та ўйин ўтказиб, 7 та гол урди ва 11 та голли узатма амалга оширди.
Transfermarkt маълумотларига кўра, футболчининг айни пайтдаги бозор қиймати 50 миллион еврони ташкил этади. Аклиуш “Монако” тарбияланувчиси ҳисобланади ва 2017-йилдан буён клуб тизимида фаолият юритиб келмоқда.
Насрулло Каримов
Журналист