PSJ “Monako” yetakchilaridan biri uchun asosiy da’vogarga aylandi
“Monako” yaqin vaqt ichida futbolchi bo‘yicha rasmiy takliflar olishi mumkinligi aytilmoqda.
Foto: Getty Images
Fransiyaning PSJ klubi “Monako” hujumchisi Magnes Akliushni sotib olish uchun asosiy da’vogarga aylandi.
Ma’lumotlarga ko‘ra, parijliklar futbolchi uchun kurashda yetakchilik qilmoqda. Shu bilan birga, Akliushga Angliya Premyer-ligasining ikki klubi ham qiziqish bildirmoqda.
“Monako” yaqin vaqt ichida futbolchi bo‘yicha rasmiy takliflar olishi mumkinligi aytilmoqda.
O‘tgan mavsumda Magnes Akliush “Monako” safida 43 ta o‘yin o‘tkazib, 7 ta gol urdi va 11 ta golli uzatma amalga oshirdi.
Transfermarkt ma’lumotlariga ko‘ra, futbolchining ayni paytdagi bozor qiymati 50 million yevroni tashkil qiladi. Akliush “Monako” tarbiyalanuvchisi hisoblanadi va 2017-yildan buyon klub tizimida faoliyat yuritib kelmoqda.
Nasrullo Karimov
Jurnalist