«ПСЖ» Маюлу билан шартномани узайтиради
Transfermarkt портали мутахассислари футболчини 40 миллион еврога баҳоламоқда.
ФОТО: Getty images
«ПСЖ»нинг 20 ёшли ярим ҳимоячиси Сенни Маюлу Франция чемпиони билан меҳнат шартномасини узайтиради. Бу ҳақда инсайдер Фабрицио Романо хабар бермоқда.
Манбанинг таъкидлашича, Маюлунинг парижликлар билан янги шартномаси 2031 йилнинг июнь ойигача мўлжалланган бўлади. Келишув яқин вақт ичида якунланиши кутилмоқда.
Таъкидланишича, ярим ҳимоячини Англия премьер-лигасининг иккита топ-клуби ўз сафига қўшиб олишни истаган, бироқ Маюлунинг ўзи «ПСЖ»да қолишга қарор қилган.
Ўтган мавсумда Маюлу барча мусобақаларда 41 та ўйинда майдонга тушиб, олти марта рақиблар дарвозасини ишғол қилди ва бешта голли узатмага муаллифлик қилди.
Transfermarkt портали мутахассислари футболчини 40 миллион еврога баҳоламоқда.
Розикжон Султонмуродов
Журналист