ПСЖ “Манчестер Сити” юлдузи Райан Шеркига қизиқиш билдирмоқда
“Пари Сен-Жермен” “Манчестер Сити”нинг ҳужумкор ярим ҳимоячиси Райан Шеркини ўз сафига қўшиб олиш имкониятини кўриб чиқмоқда. Париж клуби 23 ёшли франциялик футболчини трансфер учун асосий номзодлардан бири сифатида кузатмоқда. Бу ҳақда TEAMtalk нашри хабар бермоқда.
Манбага кўра, ПСЖ Шеркининг ўйин услуби ва ёшини клубнинг трансфер сиёсатига мос деб ҳисобламоқда. Агар “Манчестер Сити”нинг молиявий қоидабузарликлар бўйича иши оқибатида футболчи бозорда мавжуд бўлиб қолса, парижликлар январ ойидаёқ ёки келаси ёзда трансфер учун ҳаракат бошлаши мумкин.
Шеркига ПСЖдан ташқари “Ливерпуль”, “Челси” ва “Реал Мадрид” ҳам қизиқиш билдирмоқда. Ҳозирча футболчининг трансфери бўйича ҳеч бир клуб билан расмий музокаралар олиб борилмаяпти. “Манчестер Сити” эса футболчи билан узоқ муддатли шартномага эга.
Маълумот учун, Райан Шерки жорий мавсум “Манчестер Сити” сафида барча турнирларда 8 та учрашувда 4 та гол уриб, 2 та голли узатма амалга оширган. Унинг клуб билан амалдаги шартномаси 2030 йилгача мўлжалланган.
