ПСЖ Лука Диньени трансфер қилмоқда
Франциянинг ПСЖ клуби "Астон Вилла" ҳимоячиси Лука Динье трансферини якунлаш арафасида турибди.
Хабарларга кўра, Париж клуби футболчининг шартномасидаги 10 миллион евродан кам бўлган тўлов бандини фаоллаштиришга қарор қилган. Томонлар шахсий шартлар бўйича ҳам келишувга эришган ва трансфер Жаҳон чемпионати якунланганидан сўнг расман эълон қилиниши кутилмоқда.
32 ёшли франциялик чап қанот ҳимоячиси учун бу ПСЖга қайтиш бўлади. У 2013–2016 йиллар давомида Париж клуби шарафини ҳимоя қилган, шундан сўнг "Рома", "Барселона", "Эвертон" ва "Астон Вилла" сафида тўп сурган.
Маълумотларга кўра, Динье ПСЖда асосий чап қанот ҳимоячиси Нуну Мендешнинг ўринбосари сифатидаги рольга рози бўлган. "Астон Вилла" сафида у 182 та учрашувда майдонга тушиб, 4 та гол ва 24 та ассист қайд этган.
