«ПСЖ» Луис Энрике билан шартномани узайтиришга яқин турибди — Скира
«Пари Сен-Жермен» жамоаси испаниялик мутахассис Луис Энрике билан шартномани узайтиришга жуда яқин турибди. Бу ҳақда журналист ва инсайдер Николо Скира хабар бермоқда.
Манба берган маълумотларга кўра, Энрикенинг Франция гранди билан янги келишуви 2029 йилгача мўлжалланган бўлиб, уни яна бир йилга — 2030 йилгача узайтириш имконияти ҳам кўзда тутилган.
Аввалроқ ОАВда «қизил-кўклар» раҳбарияти Энрикага бежизга узоқ муддатли шартнома таклиф қилмаётгани ҳақида хабарлар тарқалган эди. Гап шундаки, клуб спорт директори Луиш Кампушнинг амалдаги шартномаси ҳам 2030 йили якунга етади ва раҳбарият португалиялик ҳамда испаниялик мутахассислар ўртасидаги ҳамкорликни юқори баҳолайди.
Испаниялик мураббийнинг айни дамдаги амалдаги шартномаси 2027 йилнинг ёзига қадар амал қилади.
