ПСЖ футболчиси Жанубий Америка топ-моделига уйланди
ПСЖ ва Франция терма жамоаси ҳимоячиси Люка Эрнандес аргентиналик модель Виктория Трияйга уйланди. Жуфтлик 2023 йил 12 ноябр куни Париждаги тунги клублардан бирида танишган ва шундан бери муносабатларини давом эттириб келишган.
Тўй маросими Париждан жануби-ғарбда жойлашган XII асрга оид тарихий Во-де-Серн аббатлигида ўтказилди. Маросим учун бутун ҳудуд ижарага олинган ва байрам уч кун давом этган.
Виктория Трияй Лотин Америкаси Vogue нашрига берган интервьюсида тўйни яқин қариндошлар ва дўстлар даврасида ўтказишни орзу қилганини айтди. Маросим давомида меҳмонлар учун турли кўнгилочар дастурлар ҳам ташкил этилган.
Маълумот учун, Люка Эрнандес аввал модель Амелия де ла Осса Лоренте билан муносабатда бўлган ва уларнинг бир ўғил ҳамда бир қизи бор. Эрнандес ва Виктория Трияйнинг ҳам бир нафар қизи бор.
