«ПСЖ» Чемпионлар лигасининг 5-туридан сўнг иккинчи ўринга кўтарилиб олди
Луис Энрике шогирдлари ўз майдонида «Тоттенхем»ни мағлуб этди.
ФОТО: Getty Images
Франциянинг «Пари Сен-Жермен» клуби Чемпионлар лигаси умумий босқичининг 5-турида Англия вакили «Тоттенхем» устидан ғалаба қозонди.
Парижда ўтган учрашув 5:3 ҳисоби билан якунланди ва бу натижа «ПСЖ»га турнир жадвалида иккинчи ўринга кўтарилиш имконини берди.
Беш турдан сўнг Луис Энрике бошчилигидаги жамоа 12 очко жамғарган — француз клуби беш ўйиннинг тўртида зафар қучган. «ПСЖ»нинг ягона мағлубияти аввалги турда учинчи поғонада борётган «Бавария»га қарши баҳсда қайд этилган — 1:2.
Кейинги турда «ПСЖ» Чемпионлар лигаси доирасида сафарда Бильбаонинг «Атлетик» клубига қарши майдонга тушади.
Насрулло Каримов
Журналист