ПСЖ бош мураббийи футболчиларга Чемпионлар лигаси финалига чиққанларини ўзаро яқин даврада байрам қилиш имкониятини берди
Луис Энрике ўзининг туғилган куни олдидан кутилмаган қарор қабул қилди.
photo: Google
Луис Энрике ўзининг туғилган куни олдидан кутилмаган қарор қабул қилди.
Le Parisien нашрининг хабар беришича, бугун 56 ёшни қарши олаётган испаниялик мутахассис жамоа аъзоларини Париждаги Зафар аркаси яқинида жойлашган Prunier ресторанига байрам қилиш учун таклиф этган. Бироқ Энрикенинг ўзи у ерга бормаган ва парижликлар мураббийнинг туғилган кунини унинг иштирокисиз нишонлашган.
Шу тариқа, мураббий футболчиларга Чемпионлар лигаси финалига чиққанларини ўзаро яқин даврада байрам қилиш имкониятини берган.
Мураббий танлаган ресторан «Икра уйи» номи билан машҳур бўлиб, у 1924 йилдан бери деликатес ишқибозлари учун афсонавий маскан ҳисобланади.
Иброҳим Жалолов
Редактор