«ПСЖ» Баркола учун 170 миллион евро талаб қилмоқда
Унга «Ливерпуль» жиддий қизиқиш билдирмоқда.
ФОТО: Getty images
«ПСЖ» клуби вингер Брэдли Барколанинг эҳтимолий трансфери учун 170 миллион евро талаб қилмоқда. Бу ҳақда журналист Бен Жейкобс ўзининг X ижтимоий тармоғида маълум қилди.
Манбага кўра, парижликлар ушбу баҳони белгилашда бир нечта йирик трансферларни мезон сифатида олган. Жумладан, Морган Роджерснинг «Челси»га 138 миллион евро, Эллиот Андерсоннинг эса «Манчестер Сити»га 135 миллион евро эвазига ўтгани ҳисобга олинган.
Шунингдек, Барколанинг кетма-кет икки марта Чемпионлар лигасида ғолиб чиққанлиги, 2026 йилги жаҳон чемпионатидаги муваффақиятли иштироки ҳамда ҳали 23 ёш экани ҳам унинг юқори баҳоланишига сабаб бўлган.
Унга жиддий қизиқиш билдираётган «Ливерпуль» эса трансфер нархини пасайтиришга умид қилмоқда.
Розикжон Султонмуродов
Журналист
