«ПСЖ» Бальде учун 40 млн евро таклиф қилишга тайёр
Transfermarkt портали мутахассислари Бальденинг бозор қийматини 50 миллион еврога баҳоламоқда.
Фото: Getty Images
«ПСЖ» «Барселона»нинг чап қанот ҳимоячиси Алехандро Бальдени ўз сафига қўшиб олиш имкониятини кўриб чиқмоқда.
Журналист Экрем Конур маълумотига кўра, «ПСЖ» испаниялик футболчи учун 40 миллион евро таклиф қилишга тайёр. Парижликларнинг 22 ёшли футболчига қизиқиши ҳақида аввал ҳам хабар берилган эди.
Шунингдек, Бальде билан боғлиқ вазиятни «Ливерпуль», «Манчестер Юнайтед», «Челси» ва Миланнинг «Интер» клублари ҳам кузатиб бормоқда.
«Барселона» бош мураббийи Ханс-Дитер Флик Бальдега унчалик ишонч билдирмаяпти. Жорий мавсумда ҳимоячи бор-йўғи бир марта майдонга тушган. Transfermarkt портали мутахассислари Бальденинг бозор қийматини 50 миллион еврога баҳоламоқда.
