«ПСЖ», «Атлетико», «Интер» ва «Бенфика» «Ренн» ҳужумчиси учун курашади
Ҳужумчи жорий мавсумда Франция чемпионатида бешта учрашувда майдонга тушиб, учта гол урди.
ФОТО: Getty images
«Ренн» ҳужумчиси Эстебан Леполь бир қатор Европа топ-клубларининг эътиборини тортди. Бу ҳақда инсайдер Экрем Конур ижтимоий тармоқларда маълум қилди.
Манбага кўра, 26 ёшли футболчи учун «ПСЖ», Мадрид «Атлетико»си, Милан «Интер»и ва Лиссабоннинг «Бенфика» клублари рақобатлашиши мумкин.
«Ренн» эса форвардни сотишдан 50–60 миллион евро атрофида маблағ ишлаб олишни режалаштирмоқда. Лепольнинг француз клуби билан амалдаги шартномаси 2030 йил июнь ойи охирига қадар мўлжалланган.
Ҳужумчи жорий мавсумда Франция чемпионатида бешта учрашувда майдонга тушиб, учта гол урди.
