«PSJ», «Atletiko», «Inter» va «Benfika» «Renn» hujumchisi uchun kurashadi
Hujumchi joriy mavsumda Fransiya chempionatida beshta uchrashuvda maydonga tushib, uchta gol urdi.
ФОТО: Getty images
«Renn» hujumchisi Esteban Lepol qator Yevropaning top-klublari e’tiborini tortdi. Bu haqda insayder Ekrem Konur ijtimoiy tarmoqlarda ma’lum qildi.
Manbaga ko‘ra, 26 yoshli futbolchi uchun «PSJ», Madridning «Atletiko»si, Milanning «Inter»i va Lissabonning «Benfika» klublari raqobatlashishi mumkin.
«Renn» esa forvardni sotishdan 50–60 million yevro atrofida mablag‘ ishlab olishni rejalashtirmoqda. Lepolning fransuz klubi bilan amaldagi shartnomasi 2030-yil iyun oyi oxirigacha mo‘ljallangan.
Hujumchi joriy mavsumda Fransiya chempionatida beshta uchrashuvda maydonga tushib, uchta gol urdi.
