\"ПСЖ\" 2029 йилги клублар ўртасидаги ЖЧ иштирокчисига айланди
Кейинги турнир мезбони ҳозирча маълум эмас
Фото: Getty Images
“ПСЖ” 2024/25 йилги Чемпионлар лигасида ғалаба қозониб, 2029 йилги Клублар ўртасидаги Жаҳон чемпионати йўлланмасини қўлга киритди. Бу ҳақда RMC Sport хабар бермоқда.
Манбага кўра, Халқаро футбол федерацияси (ФИФА) мазкур турнирга яқин уч мавсумда Чемпионлар лигасида ғолиб чиққан клубларни таклиф қилади. 2029 йилги клублар ўртасидаги жаҳон чемпионатига мезбон давлат ҳозирча маълум қилинмаган.
Бу йилги мусобақада француз гранди иштирок этади. Гуруҳ босқичида парижликлар Мадриднинг “Атлетико”, “Ботафого” ва “Сиетл Саундерс” клублари билан куч синашади.
Розикжон Султонмуродов
Журналист