«PSV» Манфред Угалде трансферига қизиқиш билдирмоқда
Эйндховеннинг «PSV» клуби «Спартак» ҳужумчиси Манфред Угалдени «Фулхем»га ўтаётган Рикардо Пепи ўрнига асосий номзод сифатида кўриб чиқмоқда. Бу ҳақда De Telegraaf нашри хабар берди.
Январ ойи охирида Эйндховен клуби коста-рикалик футболчини ижарага олишга уриниб кўрган эди, бироқ Россия клубидан рад жавобини олгач, Пепининг сотувини тўхтатиб турган эди. Ҳозирда Рикардо Пепи Лондонга тиббий кўрикдан ўтиш учун йўл олган. Агар кўрик муваффақиятли ўтса, у 1 июлдан бошлаб Премьер-лига клуби билан шартнома имзолайди. Шу сабабли «PSV» яна Угалденинг трансфери вариантига қайтди.
Бироқ «Спартак» билан келишув «PSV» учун осон кечмаслиги кутилмоқда. Москва клуби ҳужумчи учун тахминан 20 миллион евро талаб қилмоқда. Бу кўрсаткич «PSV» тарихидаги энг қиммат трансфер — Рубен ван Боммел учун тўланган 18,5 миллион евролик рекорддан ҳам юқоридир.
Манба берган маълумотларга кўра, Эйндховен клуби муқобил вариант сифатида «Монако»дан Мики Бийерет ва «Эльче» аъзоси Алваро Родригес номзодларини ҳам ўрганиб чиқмоқда.
