Пролига. «Шўртан» «Каттақўрғон»ни енгиб, пешқадамга айланди
Ғузорликлар олти очкога эга бўлишди.
Фото: Шўртан ПФК
Пролига 2-турида “Каттақўрғон” клуби Тошкентда “Шўртан” билан куч синашди. Беллашув 2:0 ҳисобида ғузорликлар ғалаба қозонди.
“Бунёдкор” ўйингоҳидаги баҳсда дастлаб Юрий Клочков ҳисобни очди. Кейинчалик Жасур Жумаев автогол муаллифига айланди.
Натижада Асрор Алиқулов бошқарувидаги “Шўртан” очколари сонини 6 тага етказиб, пешқадамга айланиб олди. Самарқанд вилояти клуби ҳисобида эса 3 очко бор.
Пролига. 2-тур
“Каттақўрғон” – “Шўртан” 0:2
Голлар: Юрий Клочков, 15 (0:1), Жасур Жумаев, 19 автого (0:2)
