Прохазка Анкалаев ва Коста билан жанг қилиш истагини билдирди
Чехиялик спортчи ўзининг сўнгги жангидан мағлуб бўлган эди.
ФОТО: Getty Images
UFCнинг яримоғир вазн тоифасидаги собиқ чемпион, чехиялик Иржи Прохазка ушбу вазн тоифасида собиқ чемпионлик камари соҳиби россиялик Магомед Анкалаев ҳамда ўрта вазнда UFC камарига собиқ даъвогар бразилиялик Пауло Коста билан жанг қилиш истагини билдирди.
«Тахминан октябрь ойларида Коста ёки Анкалаевга қарши октагонга қайтмоқчиман. Энг яхшиси бўлишни истайман, агар бу нима англатишини чиндан тушунсангиз, ғалаба қозонишингиз керак бўлган инсонни мағлуб этишингиз лозим. Шунинг учун улардан бири ушбу жангга лойиқ деб ҳисоблайман», — деди Прохазка.
Иржи Прохазка UFC 327 турнири доирасида бўлиб ўтган сўнгги жангда янги зеландиялик Карлос Улбергга қарши майдонга тушган эди. Ўшанда Иржи биринчи раунддаёқ нокаут билан мағлубиятга учраган.
Насрулло Каримов
Журналист