Превью. «Сурхон» - «Андижон»
Бугун Суперлиганинг 26-тури якунига етади. «Андижон» Термизда «Сурхон» клубига қарши майдонга тушади.
Ёдингизда бўлса, биринчи даврада “Бобур арена”да ўтказилган баҳсда мезбонлар 2:1 ҳисобида рақибини мағлубиятга учратган. Умумий ҳисобда эса жамоалар миллий чемпионатда 35 марта тўқнаш келишган.
«Сурхон»да 11, «Андижон»да 18 ғалаба бор. 6 та баҳсда кучлар тенг келган. Тўплар нисбати 44-64, "бургутлар" фойдасига.
"Андижон" охирги марта «Сурхон» мезбонлиги остидаги ўйинда ўтган йили ғалаба қозонган. Тошкентда ўтказилган учрашувда «Андижон» рақибини 2:3 ҳисобида мағлубиятга учратган. «Андижон» «Сурхон» мезбонлигидаги учрашувларнинг 4 тасида дуранг ўйнаган ва 5 тасида ғалаба қозонган.
Эслатиб ўтамиз, «Сурхон» - «Андижон» ўйини бугун, соат 18:30 да бошланади.
