Превью. «Сўғдиёна» – «Навбаҳор»
Ўзбекистон кубоги чорак финалидан ўрин олган баҳсда “Навбаҳор” Жиззахда “Сўғдиёна” меҳмони бўлади.
“Навбаҳор” Ўзбекистон кубогини 3 марта – 1992, 1995 ва 1998-йилларда қўлга киритган ҳамда 1993, 2022 ва 2024-йилларда финал иштирокчисига айланиб, ҳал қилувчи ўйинларда “Пахтакор” (0:3), “Насаф” (1:2) ҳамда “Андижон” (2:3) жамоаларига имкониятни бой берган.
“Сўғдиёна” эса ҳали кубок соҳибига айланмаган.
Мазкур жамоалар Ўзбекистон кубоги доирасидаги ўйинларида ўзаро 4 марта куч синашган.
2005 йилги Ўзбекистон кубогининг 1/8 финали доирасида кечган иккита ўйин якунига кўра, наманганликлар 1/4 финалга йўл олишганди.
2022 йили эса ушбу клублар ярим финалда рўбарў келганди. Намангандаги “Марказий” стадионида бўлиб ўтган баҳснинг асосий ва 30 дақиқалик “овер-таймлар”ида ҳисоб очилмади. Натижада қоидага кўра, пеналтилар сериясига мурожаат қилинди ҳамда унда “лочинлар” 3:1 ҳисобида зафар қучиб, финал йўлланмасини қўлга киритишганди.
2024 йили эса Жиззахда чорак финал доирасидан ўрин олган беллашув “экстра-таймлар”гача давом этди ва унда вакилларимиз 3:2 ҳисобида зафар қучишди.
2005 йил, 26 май. 1/8 финал (биринчи ўйин)
“Сўғдиёна” – “Навбаҳор” – 2:1 (1:0)
Голлар: Расул Ҳайитов (42, 90+3-пен.) - Ариф Мирзоев (73).
2005 йил, 4 июн. 1/8 финал (жавоб ўйини)
“Навбаҳор” – “Сўғдиёна” – 3:1 (2:1)
Голлар: Ислом Иномов (12), Тоҳир Мадраҳимов (41), Ариф Мирзоев (56) - Зокир Бердиқулов (34).
2022 йил, 14 октябр. Ярим финал
“Навбаҳор” – “Сўғдиёна” – 0:0 (пен.серияси: 3:1)
2024 йил. 7 август. Чорак финал.
“Сўғдиёна” – “Навбаҳор”- 2:3 (0:0, 1:1, 0:1,1:2)
Голлар: Зоран Петрович (55), Люпчо Дориев (109) - Гиорги Никабадзе (69), Ёван Жокич (104), Филип Иванович (113).
Орадан 1 йил ўтгач, мазкур жамоалар яна Ўзбекистон кубогининг чорак финалида ўзаро рўбарў келишмоқда.
