Престианни Винисиуснинг ирқчилик можаросидан кейинги ҳаракатларидан хафа бўлди — AS
«Бенфика» ҳужумчиси Жанлука Престианни Чемпионлар Лигаси плей-офф босқичи доирасидаги «Реал Мадрид»га қарши биринчи ўйинда Винисиус Жуниорга нисбатан ирқчи сўзлар ишлатганликда айбланган эди. AS нашри хабар беришича, аргентиналик футболчи бразилиялик юлдузнинг бу хатти-ҳаракатидан ўзини ҳақоратланган деб ҳисобламоқда.
Якшанба куни Лиссабонда ўтган машғулот олдидан Престианни жамоадошларини тўплаб, ушбу воқеадан сўнг клуб атрофида юзага келган салбий муҳит учун узр сўрамоқчи бўлган. Бироқ, кийиниш хонасида у Винисиусга нисбатан ҳеч қандай ирқчи сўз ишлатмаганини қатъий таъкидлаган.
Престианнининг сўзларига кўра, «Реал» аъзосининг кескин айбловлари унинг профессионал фаолиятига ва ижтимоий ҳаётига жиддий зарар етказган ва бу ҳолатдан унинг ўзи жабр кўрмоқда.
Эслатиб ўтамиз, Чемпионлар Лигаси учрашувининг иккинчи бўлимида Винисиус Престианни уни «маймун» деб атаганини даъво қилганидан сўнг, ўйин бир муддат тўхтатиб қўйилган эди.
