Постекоглунинг жамоада қолиши номаълум
Якуний қарор келаси ҳафтада маълум бўлади
Фото: Getty Images
"Тоттенхэм" бош мураббийи Анже Постекоглу келажаги келаси ҳафтада ҳал бўлади. Бу ҳақда The Telegraph саҳифаларида хабар берилди.
Қайд этилишича, “шпорлар” Европа лигасида ғалаба қозонганига қарамай, Постекоглунинг "Тоттенхэм" бош мураббийлигида қолиши даргумон.
Клуб аллақачон янги мураббий излаш ишларини бошлаган. Постекоглу “Тоттенхэм”га 17 йил ичида илк халқаро совринини олиб келди.
Бироқ, жамоа ички лигада муваффақиятсизликка учради ва турнир жадвалида бор-йўғи 17-ўринни эгаллади.
Розикжон Султонмуродов
Журналист