Португалиялик футболчи Кевин де Каштру ўртоқлик учрашуви вақтида 25 ёшига қадам қўйган паллада вафот этди
Португалиялик футболчи Кевин де Каштру ўртоқлик учрашуви вақтида 25 ёшига қадам қўйган паллада вафот этди. Бу ҳақда A Bola нашри хабар берди.
Яқинда Португалиянинг «Реал Массама» клубига ўтган футболчи «Эштрела»га қарши ўйин бошланганидан 10 дақиқа ўтгач ҳушидан кетган. Ҳар икки жамоанинг тиббий ходимлари уни қайта тирилтиришга уринган, жумладан дефибриллятордан ҳам фойдаланилган, аммо барча уринишлар самарасиз якунланган.
Каштру шифохонага олиб кетилган, аммо у ерда унинг вафот этгани расман тасдиқланган. У 16 август куни 25 ёшга тўлган эди.
«Эштрела» клуби футболчининг оиласи ва яқинларига, шунингдек «Реал Массама» клуби раҳбариятига чуқур ҳамдардлик билдирди.
Кевин де Каштру Португалияда туғилган, болалигида Англияга кўчиб ўтган. У фаолияти давомида «Вест Бромвич Албион», «Бўртон Албион», «Ноттс Каунти» ва «Йорк Сити» клублари сафида тўп сурган.
