Португалия ва Нигерия ўртасидаги ўйин арафасида кекса мухлис вафот этди
Учрашув португаллар фойдасига ҳал бўлди.
Футбол
Насрулло Каримов
Журналист
ФОТО: Getty Images
Португалия ва Нигерия терма жамоалари ўртасидаги ўртоқлик учрашуви арафасида трибунада бўлган мухлис юрак хуружи оқибатида вафот этди. Бу ҳақда Diario de Leiria нашри хабар бермоқда.
Манбага кўра, ўйин бошланишидан бир неча дақиқа олдин 77 ёшли мухлиснинг юраги тўхтаб қолган. У зудлик билан маҳаллий шифохонага етказилган, бироқ шифокорларнинг уринишига қарамай, беморнинг ҳаётини сақлаб қолишнинг иложи бўлмаган.
Қайд этиш жоиз, учрашув 10-июнь куни бўлиб ўтди ва унда португаллар 2:1 ҳисобида ғалаба қозонди.
Маълумот учун, 2026-йилги Жаҳон чемпионатида Португалия миллий терма жамоаси “К” гуруҳида Ўзбекистон, Колумбия ва Конго Демократик Республикаси билан бирга кураш олиб боради.