Португалия мураббийлар штабида оғир йўқотиш

Португалия терма жамоаси бош мураббийи ёрдамчиси Рикарду Карвальюнинг отаси 69 ёшида вафот этди.

Бу ҳақда Португалия футбол федерацияси ўз расмий сайтида маълум қилди.

Хабарга кўра, Карвалью 29-июнь куни эрталаб АҚШнинг Флорида штатидаги Палм-Бич шаҳрида жамоа машғулотида иштирок этган. Бироқ яқин вақт ичида у дафн маросимида қатнашиш учун Португалияга қайтиши кутилмоқда.

Ҳозирча Карвалью ЖЧ-2026 1/16 финалидаги Португалия — Хорватия учрашувида терма жамоа билан бирга бўла оладими ёки йўқми, аниқ эмас.

Маълумот учун, Португалия терма жамоаси К гуруҳида 5 очко жамғариб, иккинчи ўрин билан плей-офф йўлланмасини қўлга киритган.

Насрулло Каримов

Журналист