Portugaliya murabbiylar shtabida og‘ir yo‘qotish

Portugaliya terma jamoasi bosh murabbiyi yordamchisi Rikardu Karvalyuning otasi 69 yoshida vafot etdi.

Bu haqda Portugaliya futbol federatsiyasi o‘z rasmiy saytida ma’lum qildi.

Xabarga ko‘ra, Karvalyu 29-iyun kuni ertalab AQShning Florida shtatidagi Palm-Bich shahrida jamoa mashg‘ulotida ishtirok etgan. Biroq yaqin vaqt ichida u dafn marosimida qatnashish uchun Portugaliyaga qaytishi kutilmoqda.

Hozircha Karvalyu JCh-2026 1/16 finalidagi Portugaliya — Xorvatiya uchrashuvida terma jamoa bilan birga bo‘la oladimi yoki yo‘qmi, aniq emas.

Ma’lumot uchun, Portugaliya terma jamoasi K guruhida 5 ochko jamg‘arib, ikkinchi o‘rin bilan pley-off yo‘llanmasini qo‘lga kiritgan.

Nasrullo Karimov

Jurnalist