Португалия Моуриньо ҳақида тарқалган хабарларни рад этди
ФОТО: Getty Images
Португалия футбол федерацияси (FPF) “Фенербахче” бош мураббийи Жозе Моуриньо билан музокаралар олиб борилгани ҳақидаги миш-мишларни рад этди. Бу ҳақда Record нашри хабар бермоқда.
Аввалроқ Туркия матбуотида Моуриньо Португалия терма жамоасига бош мураббий этиб тайинланишига яқин тургани ҳақида маълумотлар пайдо бўлганди.
Қайд этилишича, мутахассис аллақачон дастлабки келишувга эришган. Моуриньо УЕФА Миллатлар Лигасининг жорий мавсуми тугаганидан сўнг Португалия терма жамоасини бошқариши кутилганди.
Бироқ, кейинчалик FPF'даги манба бу маълумотни қатъиян рад этди. Ҳозирда Моуриньо билан ҳеч қандай алоқа йўқлиги айтилмоқда. Терма жамоанинг амалдаги мураббийи Роберто Мартинес 2026 йилгача лавозимини тарк этмайди.
Насрулло Каримов
Журналист