Португалия Бош вазири миллий терма жамоа футболчиларига Диогу Жота хотирасига бағишланган билгузукларни совға қилди
Португалия терма жамоаси яримҳимоячиси Витинья мамлакат бош вазири Луиш Монтенегрунинг таъсирли ҳаракати ҳақида гапириб берди: ЖЧ-2026 олдидан у миллий жамоа футболчиларига Диогу Жота исми туширилган билгузукларни топширган.
Эслатиб ўтамиз, Жота ва унинг акаси Андре Силванинг фожиали ўлими ўтган йилнинг июл ойида Испаниянинг шимоли-ғарбида содир бўлган эди — улар кетаётган автомобил трассадан чиқиб кетган ва ёниб кетган.
«Бош вазир Луиш Монтенегру билан учрашганимизда, у бизга ушбу билгузукларни совға қилди ва улардан ҳатто ўйинлар пайтида ҳам фойдаланиш мумкинлигига ишонч ҳосил қилди. Билгузук майдонда тақиб юриш учун зарур бўлган барча талабларга жавоб беради. Унда барча футболчиларнинг исмлари, шунингдек, Диогу Жотага бағишланган махсус эслатма бор. Уни тақишни хоҳлаймизми-йўқми ва қандай кўринишда тақишни ўзимизга қолдирди. Биз бу совғани катта мамнуният билан қабул қилдик ва барчамиз уларни тақиб юришга қарор қилдик», — дейди Витинья.
Жаҳон чемпионатининг гуруҳ босқичида Португалия терма жамоаси Колумбия, Ўзбекистон ва Конго Демократик Республикаси билан бир гуруҳдан жой олган. Турнир 11-июндан 19-июлгача АҚШ, Канада ва Мексика майдонларида бўлиб ўтмоқда.
