Португалия 7 ўйиндан бери мағлубиятга учрагани йўқ
Улар сўнгги маротаба март ойида мағлуб бўлган.
ФОТО: Getty images
Португалия терма жамоаси мағлубиятсиз серияни давом эттирди.
Роберто Мартинес жамоаси ЖЧ-2026 саралашининг 8-турида Венгрия билан дуранг ўйнади (2:2). Натижа португаллар мағлубиятга учрамаган еттинчи ўйин бўлди.
Бу серия март ойидан бери давом этиб келмоқда. Сўнгги маротаба Данияга Миллатлар лигаси баҳсида 1:0 ҳисобида мағлуб бўлган. Ўшандан бери 5 ғалаба ва 2 дуранг қайд этилди.
Эслатиб ўтамиз, Португалия 4 ўйинда 10 очко тўплаган ҳолда жаҳон чемпионати саралаш гуруҳида 1-ўринда бормоқда. Жамоа кейинги турни 13 ноябрь куни Ирландияга қарши сафарда ўтказади.
Розикжон Султонмуродов
Журналист