«Порту» тўпурари Саму Агехова оғир жароҳат олди
«Порту» жамоаси ҳужумчиси Самуэл Агехова жиддий жароҳат олиб сафдан чиқди. Бу ҳақда Португалия клубининг расмий сайти хабар тарқатди.
«Спортинг»га қарши баҳснинг танаввусида алмаштирилган Саму ўнг тиззасидаги бойламларнинг чўзилиши ва олдинги хочсимон бойламларининг шикастланиши ташхиси билан сафдан чиқди. Яқин кунларда испаниялик футболчи «аждаҳолар» тиббий хизмати томонидан қайтадан чуқурлаштирилган кўрикдан ўтказилади», — дейилади клуб баёнотида.
Маълумот учун, Самуэлнинг «Порту» билан амалдаги шартномаси 2029 йилнинг ёзига қадар мўлжалланган. Испаниялик ҳужумчи жорий мавсумда барча мусобақаларда 32 та ўйинда майдонга тушиб, 20 та гол ва битта голли узатмани ўз ҳисобига ёздириб қўйган эди.
Айни дамда «Порту» Португалия Примейра лигаси турнир жадвалида пешқадамлик қилмоқда.
