Почеттино Де Зербининг «Тоттенхэм»га тайинланишидан хафсаласи пир бўлди — манба
АҚШ миллий жамоаси бош мураббийи Маурисио Почеттино «Тоттенхэм» раҳбарияти унинг ўрнига Роберто Де Зерби номзодини маъқул кўрганидан «жуда хафа бўлди». Бу ҳақда Give me Sport нашри хабар бермоқда.
Манбанинг таъкидлашича, «шпорлар»нинг собиқ устози клуб эгалари танловидан жиддий равишда норози. Почеттино сўнгги ойларда бир неча бор Англия Премьер-лигасига қайтиш истаги борлигига ишора қилган эди.
Бундан ташқари, мутахассис Лондон клубидаги биринчи фаолияти давридаги натижалари туфайли мухлислар орасида ҳануз машҳур фигура бўлиб қолмоқда.
Бироқ «Тоттенхэм» хўжайинлари Почеттинонинг фақат Жаҳон чемпионатидан сўнг, яъни ёз ўрталарида бўшашини тушуниб етишган. Де Зерби эса айни дамда ишсиз ва таклифлар учун очиқ эди. Жамоанинг АПЛдан тушиб кетиш хавфи остида қолгани клубни тезкор қарор қабул қилишга ва Робертодан ҳозироқ фойдаланишга мажбур қилган.
Эслатиб ўтамиз, Маурисио Почеттино 2014 йилдан 2019 йилгача «Тоттенхэм»да фаолият юритган. Ҳозирда у 2024 йилнинг сентябр ойида тайинланган АҚШ терма жамоасини бошқармоқда.
