Пирс Морган Жорже Жезушни Роналду ҳақидаги гапларидан кейин ёлғончиликда айблади
Британиялик журналист Пирс Морган Португалия терма жамоаси бош мураббийи Жорже Жезушнинг Криштиану Роналду билан можаро йўқлиги ҳақидаги баёнотига муносабат билдирди. Морган мураббийнинг бу гапларини ҳақиқатга тўғри келмайди, деб ҳисобламоқда. Бу ҳақда журналист ўзининг ижтимоий тармоқдаги саҳифасида ёзди.
Манбага кўра, Жезуш Роналду билан ҳеч қандай жиддий келишмовчилик бўлмаганини айтган. Морган эса бунга қисқа жавоб қайтариб: “Фактчек: бу ҳақиқат эмас”, деб ёзган.
Шунингдек, Роналду терма жамоа йиғинини мураббийнинг “жамоа манфаатлари футболчининг шахсий манфаатларидан устун” деган позицияси сабаб тарк этгани ҳақидаги хабарларга ҳам Морган муносабат билдирди. Унинг таъкидлашича, Роналду айнан шу сабаб туфайли кетмаган ва футболчи ўзи гапиргач, вазиятнинг асл моҳияти маълум бўлади.
Маълумот учун, Роналду Норвегияга қарши 2:1 ҳисобида якунланган учрашувни захирада ўтказган, кейинчалик эса Португалия терма жамоаси йиғинини тарк этган. Жорже Жезуш футболчи билан можаро борлигини рад этган бўлса-да, Роналдунинг терма жамоадаги келажаги юзасидан саволлар сақланиб қолмоқда.
