Пирс Морган: \"Умид қиламанки, Испания Аргентинани Фолкленд урушидаги каби тор-мор қилади\"
Таниқли британлик журналист Пирс Морган ЖЧ-2026 финали олдидан Аргентина ва Испания бўлажак учрашуви ҳақида кескин баёнот берди.
Морган ижтимоий тармоқдаги саҳифасида Испанияга омад тилаб, Аргентина Фолкленд урушида Буюк Британия мағлуб этилганидек йирик ҳисобда мағлуб бўлишига умид қилишини ёзди. Бу баёнот Аргентина футболчилари ярим финалдан кейин "Малвина ороллари Аргентинаники" деган сиёсий баннер билан тушган сурати ортидан янгради.
Маълумки, Аргентина футболчиларининг ушбу ҳаракати Буюк Британияда кескин норозиликка сабаб бўлди. Мамлакат ҳукумати ФИФАни воқеани ўрганишга чақирди, чунки ташкилот қоидаларига кўра, футбол майдонида сиёсий мазмундаги баннер ва шиорлардан фойдаланиш тақиқланган.
Эслатиб ўтамиз, ЖЧ-2026 финалида Аргентина ва Испания ўзаро тўқнаш келади. Сўнгги кунларда спортдаги ушбу қарама-қаршилик Фолкленд (Малвина) ороллари бўйича узоқ йиллик сиёсий можаро сабаб майдон ташқарисида ҳам кенг муҳокамаларга сабаб бўлмоқда.
