Пирс Морган: Испания «Аргентини тор-мор этишини истайман»
Жаҳон биринчилигининг Испания ва Аргентина терма жамоалари ўртасидаги финал учрашуви 19 июль, якшанба куни бўлиб ўтади.
photo: gettyimages
Британиялик журналист ва телебошловчи Пирс Морган Аргентина терма жамоаси футболчилари ЖЧ-2026 ярим финалида Англия устидан қозонилган ғалабадан (2:1) сўнг «Малвин ороллари — аргентинча» деб ёзилган баннерни кўтарганига муносабат билдирди.
«Маданиятсизлар. Умид қиламанки, Испания уларни финалда худди биз Фолкленд урушида уларни тор-мор этганимиздек, жуда катта ҳисобда мағлуб этади», — деб ёзди Морган ўзининг X ижтимоий тармоғидаги саҳифасида.
Жаҳон биринчилигининг Испания ва Аргентина терма жамоалари ўртасидаги финал учрашуви 19 июль, якшанба куни бўлиб ўтади. Баҳс «Метлайф» стадионида (Ист-Ратерфорд, АҚШ) бўлиб ўтади.
