Pirs Morgan: Ispaniya «Argentinani tor-mor etishini istayman»
Jahon birinchiligining Ispaniya va Argentina terma jamoalari o‘rtasidagi final uchrashuvi 19 iyul, yakshanba kuni bo‘lib o‘tadi.
photo: gettyimages
Britaniyalik jurnalist va teleboshlovchi Pirs Morgan Argentina terma jamoasi futbolchilarining JCH-2026 yarim finalida Angliya ustidan qozonilgan g‘alabadan (2:1) so‘ng «Malvin orollari — argentincha» deb yozilgan bannerni ko‘targaniga munosabat bildirdi.
«Madaniyatsizlar. Umid qilamanki, Ispaniya ularni finalda xuddi biz Folklend urushida ularni tor-mor etganimizdek, juda katta hisobda mag‘lub etadi», — deb yozdi Morgan o‘zining X ijtimoiy tarmog‘idagi sahifasida.
Jahon birinchiligining Ispaniya va Argentina terma jamoalari o‘rtasidagi final uchrashuvi 19 iyul, yakshanba kuni bo‘lib o‘tadi. Bahs «Metlayf» stadionida (Ist-Raterford, AQSH) bo‘lib o‘tadi.
