Пике: «Реферилар ҳар доим «Реал»га ён беради»
Каталониянинг «Барселона» клуби собиқ ҳимоячиси Жерар Пике Испания чемпионатидаги ҳакамлик ҳақида фикр билдириб, «Реал» футболчиларига нисбатан реферилар тарафкашлик кўрсатишини таъкидлади.
«Матеу Лаос ўзини дўстдек тутади. Криштиану Роналду ёнига бориб, «Ака, уканг қандай?», деб сўрайди. У билан яқин муомалада бўлади, аммо сен гаплашмоқчи бўлсанг, эътибор бермайди, сенга сариқ карточка беради. Мен уларни бир хил деб биламан», — деди Пике.
Собиқ ҳимоячининг сўзларига кўра, кичик ҳолатлар — майда қўполликлар, аутлар, бурчак тўплари ҳам ўйин тақдирини ҳал қилади.
«Реал» бундай вазиятларда ҳар доим юқори даражада ўйнайди ва имкониятлар яратади», — дея қўшимча қилади Пике.
Маълумот учун, Жерар Пике «Барселона» сафида жами 616 та ўйинда майдонга тушиб, 53 та голга муаллифлик қилган. У 2023 йилнинг январ ойида профессионал футболчилик фаолиятини якунлаган.
