ПФЛ маркетинг бўлими \"Қўқон 1912\"га эътироз билдирди
Суперлига 5 туридан ўрин олган учрашувлар бўлиб ўтди. Лига комиссари “Қўқон-1912” 1:0 “Бухоро” ўйинида юзага келган муаммоларни протоколга киритди.
Учрашув якунида майдонга мухлислар тушиб кетиши ҳолати кузатилган. Комиссар билдиргисида клуб хавфсизлик офитсери мазкур масалада етарлича ишламагани қайд этилган.
Лиганинг расмий учрашувни ўтказиш билан боғлиқ бадиий дастурига клуб томонидан беписанд муносабатда бўлинган ва у таблода етарлича акс эттирилмаган. Лига Қўқондаги стадион махсус ходимлари бу борада қандай фаолият олиб боришини ўргатиш учун Суперлига 1-туридан ўрин олган беллашувга ўз мутахассисларини юборган бўлса-да, кейинги турларда унинг ижроси етарли даражада таъминланмаяпти.
Шунингдек, Лига маркетинг бўлими мазкур беллашув юзасидан ўз эътирозларини киритиб ўтган. Мазкур эътироз бевосита Лига шартномалари билан боғлиқ эканлигидан келиб чиқиб, “Қўқон-1912” клубига нисбатан жарима интизом чораси қўлланилади.