PFL marketing bo'limi \"Qo'qon 1912\"ga e'tiroz bildirdi
Superliga 5 turidan o'rin olgan uchrashuvlar bo'lib o'tdi. Liga komissari “Qo'qon-1912” 1:0 “Buxoro” o'yinida yuzaga kelgan muammolarni pratakolga kiritdi.
Uchrashuv yakunida maydonga muxlislar tushib ketishi holati kuzatilgan. Komissar bildirgisida klub xavfsizlik ofitseri mazkur masalada yetarlicha ishlamagani qayd etilgan.
Liganing rasmiy uchrashuvni o‘tkazish bilan bog‘liq badiiy dasturiga klub tomonidan bepisand munosabatda bo‘lingan va u tabloda yetarlicha aks ettirilmagan. Liga Qo‘qondagi stadion maxsus xodimlari bu borada qanday faoliyat olib borishini o‘rgatish uchun Superliga 1-turidan o‘rin olgan bellashuvga o‘z mutaxassislarini yuborgan bo‘lsa-da, keyingi turlarda uning ijrosi yetarli darajada ta’minlanmayapti.
Shuningdek, Liga marketing bo‘limi mazkur bellashuv yuzasidan o‘z e’tirozlarini kiritib o‘tgan. Mazkur e’tiroz bevosita Liga shartnomalari bilan bog‘liq ekanligidan kelib chiqib, “Qo‘qon-1912” klubiga nisbatan jarima intizom chorasi qo‘llaniladi.
