Петр Чех хоккей клуби билан шартнома имзолади
Чехиялик собиқ посбон фаолиятини из устида давом эттиради.
ФОТО: Getty Images
Собиқ футбол дарвозабони, «Челси», «Арсенал» ва Чехия миллий жамоаси собиқ аъзоси Петр Чех хоккейдаги карьерасини қайта бошлади. 43 ёшли Чех Буюк Британиянинг тўртинчи дивизионида ўйнайдиган «Haringey Huskies» клуби билан шартнома имзолади.
Чех хоккейда ҳам дарвозабон сифатида майдонга тушади. Лондон клуби унинг хоккейдаги бешинчи жамоаси бўлди. Аввал Петр «Gilford Feniks» (тўртинчи британия дивизиони), «Chelmsford» (учинчи), «Оксфорд» (учинчи) ва «Belfast» (биринчи, элита) жамоаларида ўйнаган.
Чех — Англия Премьер-лигасида «сухой» ўйинлар сони бўйича рекорд эгаси ва Чехия миллий жамоасида энг кўп ўйин ўтказган футболчи ҳисобланади (124 ўйин). Петр футболчилик фаолиятини 2019 йилда якунлаган.
Насрулло Каримов
Журналист