Петар Сучич трансферига топ-клублар қизиқиш билдирмоқда
Сучичнинг миланликлар билан амалдаги шартномаси 2030 йил июнь ойининг охирига қадар тузилган.
Фото: Getty Images
«Интер» клуби ярим ҳимоячиси Петар Сучич трансфер бозорида талаб юқори бўлган футболчилардан бирига айланди. Бу ҳақда инсайдер Экрем Конур ижтимоий тармоқларда маълум қилди.
Манбага кўра, 22 ёшли хорватиялик футболчининг ўйинини Мадриднинг «Реал»и, «Ньюкасл» ва «Ноттингем Форест» клублари кузатиб бормоқда.
«Интер» эса ўз ярим ҳимоячисини 60–65 миллион еврога баҳоламоқда.
Сучичнинг миланликлар билан амалдаги шартномаси 2030 йил июнь ойининг охирига қадар тузилган.
Хорватиялик футболчи жорий мавсумда Италия чемпионатида 4 та учрашувда майдонга тушди ва ҳозирча голли ҳаракатлари билан ажралиб турмади.
