Перишич жаҳон чемпионатлари тарихида Месси билан тенглашди
37 ёшли футболчи кетма-кет тўртинчи жаҳон чемпионатида голли узатма муаллифига айланди.
ФОТО: Getty images
Хорватия терма жамоаси вингери Иван Перишич ЖЧ-2026 гуруҳ босқичининг 1-турида Англияга қарши кечган баҳсда (2:4) голли узатмани амалга ошириб, тарихий натижани қайд этди.
Opta Franz хабарига кўра, 37 ёшли футболчи кетма-кет тўртинчи жаҳон чемпионатида голли узатма муаллифига айланди. У 2014-йилдан буён иштирок этаётган ҳар бир мундиалда камида битта голли пас беришга муваффақ бўлди.
Шу тариқа, Перишич ушбу кўрсаткич бўйича Лионель Мессидан кейинги иккинчи футболчига айланди. Аргентина юлдузи ҳисобида бешта мундиалда ассистентлик қилиш натижаси мавжуд. Статистик маълумотлар 1966-йилдан буён ҳисоблаб келинмоқда.
Эслатиб ўтамиз, Хорватия терма жамоаси «L» гуруҳидаги иккинчи учрашувини 24-июн куни Панамага қарши ўтказади.
Розикжон Султонмуродов
Журналист