Пеп Гвардиола икки ўйинга дисквалификация қилинди
«Ман Сити» бош мураббийи мавсумдаги олтинчи сариқ карточкасини олди.
ФОТО: Getty Images
«Манчестер Сити» бош мураббийи Пеп Гвардиола Англия Кубогининг 1/8 финали доирасида «Ньюкасл»га қарши кечган учрашувда (1:3) мавсумдаги олтинчи сариқ карточкасини олди. Ушбу ҳолат испаниялик мутахассиснинг икки ўйинга четлатилишига сабаб бўлди.
Журналист Саймон Байковскининг таъкидлашича, ушбу дисквалификация Англия Лига Кубоги финалига (22 март, «Арсенал»га қарши) тааллуқли эмас. Шу сабабли, Гвардиола қуйидаги муҳим учрашувларни ўтказиб юборади:
- 14 март: «Вест Хэм»га қарши АПЛ 30-тур баҳси;
- Англия Кубогининг чорак финал учрашуви.
«Манчестер Сити» 29 та ўйиндан сўнг 60 очко билан турнир жадвалининг иккинчи поғонасини банд этиб турибди. «Шаҳарликлар» пешқадам «Арсенал»дан 7 очко ортда қолаяпти, бироқ захирада битта ўйинга эга.
Насрулло Каримов
Журналист