Педро Порро «Тоттенхэм» билан шартномасини узайтирди — Романо
Испания терма жамоаси ҳимоячиси Педро Порро «Тоттенхэм» клуби билан янги келишувга имзо чекди. Бу ҳақда Фабрицио Романо хабар бермоқда.
Манбанинг берган маълумотига кўра, футболчи ва клуб ўзаро ҳамкорликни давом эттириш шартларини келишиб олишган. Янги меҳнат шартномаси 2031-йилнинг ёзига қадар амал қилади ва унга битимни яна бир мавсумга узайтириш опциаси ҳам киритилган. Шунингдек, испаниялик ҳимоячининг маоши ҳам оширилган.
2025/2026-йилги мавсумда Порро барча турнирларда жами 47 та ўйинда майдонга тушиб, 2 та гол урди ва 6 та голли узатмани амалга оширди. Transfermarkt портали футболчининг айни дамдаги трансфер қийматини 40 миллион евроға баҳоламоқда.
Якунланган мавсум натижаларига кўра, Лондон жамоаси Англия Премьер-лигаси (АПЛ) турнир жадвалида 17-ўринни эгаллади.
