Педро Нетунун агент футболчини \"Ал-Ҳилол\"га таклиф қилди
Ҳозирча "Ал-Ҳилол" ва "Челси" ўртасида расмий музокаралар бошлангани ҳақида маълумот йўқ.
Фото: Getty Images
"Челси" вингери Педро Нетунун Саудия Арабистонининг "Ал-Ҳилол" клубига ўтиши мумкин.
Италиялик журналист Жанлуиджи Лонгарининг маълум қилишича, португалиялик футболчининг агенти Жорже Мендеш ўз мижозини "Ал-Ҳилол"га таклиф қилган. Саудия клуби ҳозирда ҳужум чизиғини кучайтириш учун бир неча вариантларни кўриб чиқмоқда ва Нетуну ҳам номзодлар қаторидан жой олган.
Ҳозирча "Ал-Ҳилол" ва "Челси" ўртасида расмий музокаралар бошлангани ҳақида маълумот йўқ. Шунингдек, футболчининг ўзи ҳам эҳтимолий трансфер юзасидан ҳеч қандай баёнот бермаган.
Эслатиб ўтамиз, Педро Нетуну 2024-йилда "Челси" сафига қўшилган ва жамоанинг асосий қанот ҳужумчиларидан бири ҳисобланади.
Насрулло Каримов
Журналист